सीनियर अउर जूनियर निरहुआ अभिनीत मल्टीस्टारर फिल्म आज के करण अर्जुन आज बिहार-झारखंड के 50 सिनेमाघर में फिल्म रिलीज रिलीज हो गईल। कल एह फिलिम के पटना मे मोना टाकीज में प्रीमियर भईल जे भोजपुरी सिनेमा के इतिहास में,कवनो फिलिम के पहिला प्रीमियर रहे। एह प्रीमियर में फिलिम के हीरो-हीरोईन अउर निर्माता-निर्देशक भी उपस्थित रहलें। कैपिटल फिल्म्स अउर यशी फिल्म्स के एह फिलिम मे दू गो भाईयन का उपर भइल अत्याचार आ क्रूरता के बदला लेबे के कहानी बा। हैरी फर्नाण्डिज निर्देशित एह फिलिम में रउरा के दिनेश-पाखी आ प्रवेश-कृशा के रोमांटिक जोड़ी देखे के मिली। ई पहिला मौका ह जब दुनू निरहुआ एक साथ कवनो फिलिम में आइल बाड़ें।एह में कहानी ह शकुंतला देवी आ रामजी के परिवार के। किसान रामजी सिंह आ उनका सात साल के बेटा के, गाँव के जमींदार आ ओकर मुनीम मिल के हत्या करत बाड़े मगर मौत के ट्रेन एक्सीडेंट के रूप दे दीहल जाला। रामजी के दूसरका बेटा अर्जुन शहर में पढ़ाई करत बा आ ओहिजे ओकर मुलाकात विजय से होला। विजय सुनीता से अउर अर्जुन चंदा से प्यार करत बा। विजय से करण के संबंध का ह, अर्जुन के भाई करण आ पिता के मौत कइसे भईल अउर अर्जुन आ विजय खून के रिश्ता में कइसे बंध जात बाड़ें,कहानी एही के इर्द-गिर्द घूमेली।
पिता के भूमिका में किरण कुमार आ महतारी का भूमिका में नीलिमा सिंह के देखब। टीनू वर्मा क्रूर जमींदार बनल बाड़े जवन के बारे मे एह ब्लॉग पर रउआ के पहिले समाचार दीहल गईल रहे। एक्शन,रोमांस और बदला के भावना पर आधारित एह फिलिम में गुफी पेंटल अउर सूर्या के भी बाड़ें।
No comments:
Post a Comment
न मॉडरेशन की आशंका, न ब्लॉग स्वामी की स्वीकृति का इंतज़ार। लिखिए और तुरंत छपा देखिएः